Mizoram Youth Commission (MYC) buatsaih Food Processing Training kharna hun hman a ni.
MYC leh Mizoram Food Processing Research and Training Centre-te ṭangkawp chuan zirlai 20 tan training buatsaihin NEC lamin a sum ṭul ang a tum a. MYC Chairman ni bawk Dr. Vanlalṭanpuia chuan Mizoram Youth Commission-in food processing training-na a zirtu thalaite’n thahnemngai taka an zirn hun an hmang chu lawmawm a tih thu a sawi.
Kum 2020 hripui len nasat laia ramchhung hmun hrang hrang atanga thalaite haw runpui a awm khan, Supreme Court thupek zawmin, Mizoram pawhin thalai rawn haw khawmte chu chhawmdawl hna leh an intundin leh na tura hma laksak dan tur a ruahman a, ṭhalaite tana thiamthil hrang hrang zirna tur atan NEC atanga vaibelchhe 6 an hmuh thu a sawi bawk.
He training-ah hian zirlaite chuan theitui, pickle, chips leh jam siamdan te zirin, a dahṭhat dan te leh eitur siamzawh tawhte tuamdan te an zir tel thu a sawi bawk.
He traning-ah hian zirlai 20 te chuan ṭha takin an zirlai an zo thei a. Zirlaite chu hmanraw hrang hrang 11 leh loan lakna atan pawha chhawr ṭangkai theih certificte pek an ni.