Nimin khan Serchhip District-ah Covid-19 hri kai mi 36 hmuhchhuah belh leh an ni a, CMO Office aṭanga report dawn danin, heng zinga 5-te hi Serchhip khawpui aṭanga hmuhchhuah an ni a, heng bakah hian Thenzawlah 15, Chhingchhipah 7, Kanghmunah 4, N.Vanlai-phaiah 3 leh Khawlailung-ah 2 hmuhchhuah belh leh an ni a, hengte nen hian District-a hri kai hmuhchhuah tawh zawng zawng chu mi 12,798 an tling tawh a, hetihlai hian nimin khan Serchhip District-ah hri kai enkawlna hmun aṭangin mi 41 chhuahtir an ni a, heti hian District-a hri kai hmuh chhuah zinga enkawl dam tawh zat chu mi 12,518 an tling ta a, enkawl dam hi hri kai tawh aṭangin 97.81% a ni a, hri vei enkawl lai mi 249 an la awm a, hetihlai hian nimin chawhma dar 11:30 khan Nemngoi (89), Thenzawl chu Covid-19 vangin ZMC-ah a boral a, ani hi February 28 khan hri a kai tih hriatchhuah niin, March 10 khan admit a ni a, natna dang nei tel a ni a, hei nen hian hri kai boral hi mi 31 an awm tawh a ni.
Loading ...