Zothlifim Logo
Loading ...

Home Minister Lalchamliana chuan Pearlvine hminga Serchhipa a pung sâng tak neia pawisa deposit kalpui mek chu mipui tana rintlak a nih rinhlelhna a awm avangin chhui mek a ni a ti.

Nimina eptu pawl hruaitu, Serchhip bialtu MLA ni bawk Lalduhoma zawhna Assembly House-ah chhangin Lalchamliana chuan chhui tawh chinah pung sang tak duha inziaklut tawh hi mi 119 an ni a ti a, he thil hi chhui mek zel a nih thu a sawi bawk.

Zawh belhna chhangin Home Minister chuan Police officer-te’n dan anga an kawl theih chin aia tam police an kawl leh, police officer chawl (pension) tawhten police an la kawl niawma sawi chu tihtawp vek turin Police department hotute nen an sawiho tawh niin a sawi a, tunah chuan chutianga ti an awm a hriat loh thu a sawi bawk a, police-te lirthei indaih lohna sukiang turin theihtawp chhuah a nih thu a sawi bawk.


Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117