Russia-in Ukraine a run hnuah FIFA leh UEFA-ten football-a Russia club-te an hrem chungchang rawn tarlan a ni tawh a, Russian Football Union chuan hei hi Court of Arbitration for Sport (CAS)-ah khin an tum thu an sawi.
Thawhṭanni khan Russian football club leh national team-te chu FIFA leh UEFA chuan thu leh awm hma chu competition hrang hrangah tel a phalsak ta lo a, hei hi Russian Football Union chuan dân hmanga khinlêt tumi, Russia mipa leh hmeichhe team-te chu inelnaa tel phalsak an nih theihna atan hmalak an tum a, an mipa-team-te chu thla leha World Cup play-off match an khelh tur leh, hmeichhe team pawh kumin nipuia England-a Euro 2022 khelh phalsak an nih leh theih chu an duh a ni a, Russia team-te hrem an nihnaah hian FIFA leh UEFA chuan dân tlawhchhan an nei lo tih an sawi a ni.