Agricultural Technology Management Agency (ATMA) leh Fisheries Department Serchhip District ṭangkawp chuan District chhung hmun hrang hrangah sangha chi siamdan zirtirna an kalpui mek.
Sangha Note/Sangha Chi-ah Mizoram a intodelh theihna tur atana sawrkar hmalakna kal mekah tunlai hian Serchhip District chhung khaw hrang hrang – N.Vanlaiphai, E.Lungdar, New Serchhip leh Chhiahtlangahte ATMA Serchhip leh District Fisheries Department -te ṭangkawp chuan hma an la mek a, a bikin Common Carp/Sangha sen chite chu a nu leh a Pa thliar hrangin, a tui dahna hranpa siamah awmze nei taka tuitir an ni a, heng sangha tui te hi Hapa(Thosilen ang tak)-ah sawn luh leh niin, ni 4 – 10 inkarah a notete an lo keu ṭhin a ni.
Tunlai hian District khaw hrang hrangah hian Sangha note tamtak tihkeu ṭan mek a ni a, beisei anga thil a kal chuan tun aṭanga kum rei loteah chuan Sangha Dil siamtute tan sangha sen chi (Common Carp) bik chu a note/chi-ah intodelh mai theih beisei a ni.