Horticulture department changtu Chief Minister Zoramthanga chuan SEDP hnuaiah Champhai district-a Ngur leh Mualkawi khuaah chhungkaw 20 ve ve sapthei chintir an ni, a ti.
Nimina Assembly Session-a Congress member Zodintluanga Ralte zawhna chhangin Zoramthanga chuan sapthei hi chin dan thar, khur lai a hnimhnah ṭawihte leiṭhaa hmanga tihchhin a nih thu a sawi a. Sapthei kung hi a tar hma avangin kum khatnaa a chinna bulah a kum lehah emaw a bula khur lai lehin chin chhoh zel a, a kung tar thlakna awm zel tura ruahman a ni a ti.
Zawh belhna chhangin Saichhoh khuaa Centre of Excellence chuan mipui mamawh thlai chi leh ṭiak a pe chhuak zel dawn niin a sawi a. Kawngkama thil zawrhna hmun siam leh thlai dahṭhatna (cold storage) siam belh zel sawrkarin a tum thu a sawi bawk.
C. Ngunlianchunga zawhnaa Lawngtlaia dragon fruit chingtu tur thlan kawngah a tlak leh tling hmaih an awm chuan a tling na na na chu thun leh theih an ni ang a ti bawk.