PC party chuan Mizoram-ah electric bill a pung zel chu vei lovah P&E minister R Lalzirliana an puh a, mipuite phurrit belhchhahtu nia ngaiin vanduaithlak tih an sawi.
Thuchhuah an siamah April 23, 2022-a MNF Hnam Rûn-ah minister hian, “Political party pakhat electric bill pung tam tia phun phuna sawiseltu-te khan an zuk enchian meuh chuan a punna a tam lo tih an zuk hmu” a ti nia sawiin, mipuite phurrit chhâwk tura electric bill tihtlem tuma a vei lohzia a tilang chiang hleah an ngai tih an sawi. State dangte’n mipuite hmakhua ngaiin bill a hniam thei ang ber te, a thlawn deuh thaw te a an tihsak theih tawh lai a kum 30 chuang state puitling nih tawh hnu pawh a Mizorama electric bill pun thu hmanga la inchungtlak fo chu mipuite thamlohna lian takah an ngai tih an sawi bawk.