Nimin khan Mamit Joint Village Council-te chuan Chief Minister Zoramthanga hmuin Mamit Constituency chhunga hmasawnna hnathawh dan tur an sawipui.
Mamit Joint VC-te chuan Chief Minister Zoramthanga chu Mamit bul hnaiah emaw Mamit Constituency chhungah BDO office dah turin an ngen a, Chief Minister chuan vawi lehkhata RD Block chu inpek theih a ni lo a, amaherawhchu Mamit chhehvelin RD Block an neih ngei theih nan theitawp chhuah a tum thu alo hrilh a ni.
Chief minister chuan Mamit Joint VC-ten Mamit khawpui chhung chhuah lam leh tlaklam kawng (NBCC road) cheng nuai 950 senna tur, tun furpui thlen hma a hna thawh tan tura an ngen chu hna ṭan a nih nghal tur thu alo hrilh bakah department hotute pawh hna ṭan nghal turin a biaksak dawn tih a sawi bawk.