Home » Chanchinthar » Myanmar raltlante chhinchhiah hna zawh thuai tum

Myanmar raltlante chhinchhiah hna zawh thuai tum

Mizorama Myanmar mi raltlan awm mekte chhinchhiah leh identity card pek chhuah hna chu zawh thuai tum a ni.

Task Group on Myanmar Refugees chu an chairman Home department Additional Secretary hovin Zirtawpni khan an ṭhu-khawm a, hetah hian Myan-mar raltlante chhinchhiah leh identity card pek chhuah hna chu a hma thei ang bera zawhfel ni se an ti a. Tun hnaia ruahsur leh thlipuiin a tihchhiat raltlante awmna relief camp chungchangte sawiin, an mamawh zualpui pek dan turte an sawi a, thli-in relief camp a tihchhiat hi Lawngtlai district-ah 5 leh Lunglei district-ah 1 a awm tih report an dawng a, raltlante ṭanpuina pek dan turte an ngaihtuah bawk.

Raltlante chhinchhiah leh identity card pekchhuah hna hi February thla a zawh tum a nih laiin relief camp a hri leng a hluar avangte-in a hun hi pawhsei a ni.

Thulakna tarlan danin Mizoramah hian raltlan 30,000 chuang an awm mek a, an zingah hian kum 2020 Myanmar inthlanpuia thlan tlin MP leh state-a d芒n siam pawla thlan tlin 30 bawr vel an tel a, Official-te sawi dan chuan relief camp-a awm-khawmte chhinchhiah hna hi chu a harsa vak lova, mahse, chhungkhat laina leh ṭhiante bel te, mi in luaha khawsate chhui zui a harsa deuh a, chu bakah an lo luh hnua haw chho lehte an awm bawk avangin raltlan awmz芒t pawh hi a danglam reng a ni, an ti.

Tun hnai khan Chin National Army (CNA) leh mipui ṭangrual sipai pawl hrang hrang, Chin state leh Kalaymyo-a awm mekte chuan thuchah inṭawm siamin, raltlante lo huma an lo enkawl danah Mizoram mipui, sawrkar, kohhran leh pawl hrang hrangte chungah lawmthu an sawi a, hetihlai kara raltlan anga awma ruihhlo tawlhruk chingte chu an chhinchhiah a, an 没mzui dawn thu an puang a, raltlante pawh an awmna khua ṭheuha khawtlang tana mi ṭangkai ni turin an chah a ni.

Leave a Reply

This site uses Akismet to reduce spam. Learn how your comment data is processed.