Skip to content
Home » Chanchinthar » NGO, Kohhran leh khawtlang hruaitute ruihhlo do turin tanho tum

NGO, Kohhran leh khawtlang hruaitute ruihhlo do turin tanho tum

Nimin, April ni 25 Thawhṭanni chawhnu dar 1 khan Joint YMA Thenzawl huaihawtin Thenzawla NGO hrang hrang leh kohhranten chak zawka ruihhlo do dan tur an sawiho a, “Khawtlanga ruihhlo hluar zel tur vên kawngah theihtawpa ṭanho a, tihrem tuma hmalak nise” tiin thutlukna an siam.

He hunah hian MHIP, MUP, YMA, MZP, MSU leh VC, Media, Police, Medical, Thenzawla Kohhran hrang hrang aiawh mi 130 bawr vel an kalkhawm a, kalkhawm mipuite chuan ruihhlo hluar nasa leh nghawng a neih te, a do kawnga hmalak dan tura an duhte an sawiho a, ruihhlo do kawngah lungrual takin theihtawpa hmalakho nise an ti a ni.

Leave a Reply

This site uses Akismet to reduce spam. Learn how your comment data is processed.