Zothlifim Logo
Loading ...

Nimin khan Lunglei Bawrhsap Kulothungan A, IAS kaihhruaiin DC’s Conference Hall ah Plastics hman zawh paih mai chi tireh anih theih nan hmalak dan tur hrang hrang sawi ho a ni a, DC chuan Mizoram Sawrkarin Plastic paih mai chi hman loh a lo rel tawh angin, Lungleiah pawh khawpui chhung a lo fai zawk nan leh boruak thianghlim neih a nih theih nan plastic paih mai chi hman loh a ngaih thu a sawi.

Meeting chuan Plastic hman zawh paih mai chi tih-rem a nih theih nan sawrkar office-a hman loh te, mipuiah chanchinbu, Electronic media leh Social media hmanga zirtirna tam zawk pek chhuah te, hemi chungchanga hmalatu pawl din te, dawr leh Bazarna hmuna endikna neihte leh District Administration aṭanga Plastic paih mai chi hmang lo tura hriattirna tihchhuah te rel a ni.