Mizoram Pig Farmer Association chuan nimina thuchhuah an siamah, MIPFA chuan nikuma African Swine Fever hrileng avangin vawk no lei tur a vâng a, a vân avanga vawk note man tihsan chu ṭha an tih loh thu leh ₹7,000/- aia toa hralh lo turin an member-te an hriattir a, tun dinhmuna vawksa man kg ah ₹400/- pawh a ṭha rih an tih thu an sawi.
MIPFA chuan April ni 22,2022 khan AH & Vety Minsiter hmuin vawk suat (culling) zangna-dawmna state sawrkarin a dil aṭanga sawrkar laipuiin March ni 22 ,2022-a a zatve a rawn tum sak tawh chu, Mizoram sawrkarin a tum ve tur (matching share) a tum thuai a, vawk vulhtuten zangna-dawmna an dawn thuai theih nan Vety Minister an dawr a, Minsiter chuan theihtawp a lo chhuahpui tur thu lo hrilh tih sawiin, lawmawm an tih thu an sawi a, vawk suat lote pawhin, zangnadawmna an dawn theih nan Planning Department lamah an thlen thu Minister hian a lo hrilh tih an tarlang bawk.