Skip to content
Home » Chanchinthar » Bivol lakah Alvarez a tlawm

Bivol lakah Alvarez a tlawm

Mexican superstar Saul ‘Canelo’ Alvarez chu Las Vegas-ah Dmitry Bivol lakah a tlawm a, Bivol hian WBA light-heavyweight title a kawl lai chu a humhim a ni.

Mi tam takin pound-for-pound boxer ṭha bera an ngaih, kum 31 mi Alvarez hi undisputed world super-middleweight champion a ni a, weight sâng zawkah kai chho-in Bivol hi a hmachhawn a, mahse a chak zo ta lo a, hei hi bout 61 a khelh tawha a chak loh ṭum hnihna a ni a, a hneh loh palhat hi Floyd Mayweather a ni.

Kum 31 mi tho Bivol hian unanimous points decision hmangin hnehna a chang a, judge pathumte chuan 115-113-in Bivol hi an chaktir ṭheuh a, bout 20 a khelh tawhah hneh loh a la tawng lo a ni.

Round 12 chhungin Bivol hi chiang takin a chungnung zawk a, hetihlai hian weight Division pali-a champion tawh Canelo hian a la hlau lo hle tih a chiang a, inhnek nawn leh theihna tur, rematch clause a neih chu hman ngei a tum thu a sawi a, Bivol pawhin inhnek nawn hi a hreh lo hle bawk a ni.

Leave a Reply

This site uses Akismet to reduce spam. Learn how your comment data is processed.