Dr.Lalhriatzuali Ralte IAS, Deputy Commissioner, Aizawl District kaihhruaina hnuaiah “Nasha Mukt Bharat Abhiyaan (Drug Free India Campaign)” chu Aizawl District ah hmalak mek a ni a. Thalai-te a bik takin kum tlinglo (kum 18 hnuai lam)-te zingah damdawi ruihtheih hmansual a hluar hle ni a hriat a ni a, hemi kawnga hma la turin Aizawl SP Chairman-na hnuaiah Task Group din a ni a, task Group te hian kawng hrang hrangin hma an la mek a ni.
Nimin khan Lalruaia Aizawl SP leh Task Group Chairman ni bawk kaihhruaina hnuaiah Task Group-te chuan Damdawi dawrah Inspection an nei a, Group pathum (3)-ah inṭhenin Aizawl khawchhung hmun hrang hrang Damdawi dawr (118)-te fang kualin Damdawi ruihtheih chi kum tlinglo (kum 18 hnuai lam) hnenah hralh lo tur leh, Doctor prescription tel lova damdawi, a bik takin ruihtheih chiho chu pe chhuak lo turin an ngenin an hriattitr a, lo tilui emaw, hralh ching an awm a nih chuan an chungah action lak a ni ang a, an License thlenga cancel theih a ni tih an sawi a ni.
Task Group-te hi, Mizoram Police, Excise& Narcotics Department, Food & Drugs Department, School Education Department, Social Welfare & Tribal Affairs Department leh Mizoram Chemist & Druggist Association aṭangtea kalkhawm an ni.