@ Manchester United manager thar tur Erik ten Hag chuan season thara Old Trafford team thuamṭhat a tumnaah Chelsea midfielder N’Golo Kante, 31, chu lakluh a tum dawn. (Mirror)
@ Kumin nipuia Robert Lewandowski-a’n Bayern Munich a chhuahsan a nih chuan Liverpool forward Sadio Mane, 30, chu Bayern Munich hian lakluh an tum dawn. (Bild)
@ Lewandowski, 33, chuan Barcelona tan kum 3 daih contract ziak a remti tawh. (Times)
@ Barcelona midfielder Frenkie de Jong, 25, chuan Manchester City lam a panna tichiang turin a hlawh la pek loh £6m vel chu thlah liam turin a inbuatsaih. (Sky Sports)
@ Newcastle chuan Everton striker Dominic Calvert-Lewin, 25, chu inbiakna hmasa an neihpui tawh a, mahse England international hian Arsenal zawm a duh zawk a ni. (Football Insider)
@ Arsenal chuan Bologna full-back Aaron Hickey chu euro 25m (£21.2m)-a lei an remti tawh. (Calciomercato)
@ Gunners hian Brazilian striker Marquinhos pawh Sao Paolo aṭanga euro 3.5m (£3m)-a lalut turin inremna an neihfelpui ṭep tawh bawk. (ESPN)
@ Hetihlai hian Arsenal chuan Manchester City striker Gabriel Jesus, 25, pawh lai dil tumin an inbuatsaih mek a. City hian Brazi international manah hian euro 50m – 60m (£42.4m – £50.0m) vel chhiar an tum a ni. (Fabrizio Romano)
@ Real Madrid manager Carlo Ancelotti chuan Belgium playmaker Eden Hazard, 31, chu kumin nipuiah pawh club-ah a la châm chhunzawm dawn tih a sawi chiang. (Goal)