Zothlifim Logo
Loading ...

@ Manchester United chuan Barcelona midfielder Frenkie de Jong, 25, hnenah kumin nipuia Old Trafford pan tura thutlukna a siam lo a nih pawhin hun dangah an la ngaihven leh dawn tih an hrilh. (Sport)

@ Monaco midfielder Aurelien Tchouameni-a’n Real Madrid lam pan a tumna chu chhiah chungchang avangin tihtawp a ni a, La Liga champions hian kum 22 mi, Tchouameni hi euro 80m (£68m)-a lei tumin an lo inbuatsaih a ni. (ESPN)

@ Tchouameni-a’n Real Madrid lam pan a tumna-in awmzia a neih loh chuan Chelsea, Arsenal, Liverpool leh Manchester United-te pawh Tchouameni lakluh tuma hma la turin an inpeih sa a ni. (Sun)

@ Real Madrid chuan kumin nipuiah midfielder leh striker lakluh an duh a, zanina Liverpool nen Champions League final an khelh zawha Spain-a an kir leh hunah lakluh thar tur chungchang hi an sawiho dawn a ni. (Matca)

@ Tottenham striker Harry Kane, 28, chuan nikum nipui khan Manchester City-in an vir viau chunin tunah hian Spurs-a a contract thar tur chungchang sawiho turi a inpeih tawh a ni. (Evening Standard)

@ French international Ousmane Dembele, 25, chu an ram lamah a kir leh dawn nia sawi a nih viau laiin Paris St-Germain chuan kumin nipuiah Dembele hi an lalut dawn lo. (Le Parisien)

@ Liverpool leh Chelsea-ten lakluh an tum Christophe Nkunku chu kar leh lamah hian Manchester United pawhin an sawm ve mai thei a, France forward kum 24 mi hian RB Leipzig tan contract thar a la ziak duh lo a ni. (Florian Pettenberg)