French Open khelh mekah tleirawl pahnih, Coco Gauff leh Leylah Fernandez-te chuan quarterfinal an lût.
2021 US Open runner-up, Canadian tleirawl kum 19 mi, Fernandez hian Rolland Garros last 8 a vawi khat thlenna ni turin Amanda Anisimova lakah 6-3, 4-6, 6-3-in hnehna a chang a ni.
American tleirawl kum 18 mi, Gauff pawhin quarterfinal thleng tur hian Elise Mertens chu straight set, 6-4, 6-0-in a hneh a, a zawin Paris-ah last 8 a thleng ta a, a hnampui Sloane Stephens emaw, Switzerland nula, Jil Teichmann emaw a hmachhawn leh ang.
17th seed Fernandez hian quarterfinal-ah Martina Trevisan a hmachhawn leh dawn a, Trevisan hian quarterfinal a thlen vawi hnihna ni turin Aliaksandra Sasnovich chu 7-6 (12-10), 7-5-in a hneh ve bawk a ni.