Home » Chanchinthar » Governor-in Tourism Minister leh official-te bakah Tourism kaihhnawih hnathawktu NHIDCL Official-te a kâwm

Governor-in Tourism Minister leh official-te bakah Tourism kaihhnawih hnathawktu NHIDCL Official-te a kâwm

Governor Hari Babu Kambhampati chuan Tourism Minister Robert Romawia Royte leh Tourism Official te a kâwm a, Tourism kaihhnawih hna thawktu National Highways and Infrastructure Development Corporation Regional Office, Aizawl-a official-te pawh kâwmin Tourism hmasawnna tura an thawhho dan tur te an sawi.

Governor chuan Tourism department hmalakna chu a phurpui thu leh hna ṭha tak Mizoram tan an thawk nia a hriat thu a sawi a, Tourism Ministry-in Mizoram chhunga Khaw thlirna (View Point) 26 NHIDCL an siamtir turah a enkawltu awm theihna tur quarter, dawrte/dhaba leh water tank dah tel ṭha a tih thu a sawi a, Tourism Department leh NHIDCL-te chu hemi chungchangah hian inpawh takin thawkho thei se a duh tih a sawi a ni.
Executive Director, NHIDCL, RO Aizawl chuan Mizoram chhunga kawngpui lian – National Highways siam hna an thawh mek hmun 26-ah View Point an siam dawn a, View Point pakhat siam nan hian cheng vbc. 2 vel zel hman a ni dawn tih a sawi a, View point siamnaah hian Khawthlirna leh motor 5 dinna leng kawtzawl leh Zun in leh Ek in te a awm tel dawn a, he project hi siam zawh tawh niin thehluh tawh a ni a ti a, view point awmna hmuna ram an neih chu a zim thu te, compensation issue a awm dawn loh chuan Governor duhdan chu telh tura an project thehluh tawh belhna an thehluh leh theih thu an sawi a. Mizoram mipui tana hmasawnna hnathawhna dal turin view sakna hmunah ram awl chungchangah chuan harsatna a awm a rin loh thu leh theih anga state sawrkar pawhin hma an lo lak tur thu Tourism Minister Robert Romawia chuan NHIDCL hotute hi a hrilh a ni.

He huna tarlan a nih dan chuan kum 2019-2020 khan Lengpui Arport leh ILP Checking point hrang hranga a chhinchhiahna aṭanga a lan danin Mizoramah khualzin mi 1,60,000 an lût a, hei hi state chhunga chêng mihring zât chhutin zaa 14 ang vel a ni a, khualzin zinga zaa 80 chu zin khawthawng an nia, zaa 10 chu sumdawnna leh hna kaihhnawih thila rawn zin leh a bak chu adventure neih duh avanga rawn zin leh sakhaw thila rawn zin te an ni.

Sawrkar khualbuk sawrkarin a enkawl 42 leh sawrkar khualbuk mimalten an enkawl 27 a awm a, Hotel 72 awm mekin room 608 hengah te hian a awm a. Private Homestay 13, sawrkarin a tanpuina hnuaia Homestay kalpui mek 77, Tour operator 8, Travel Agent 41 leh Tour Guide 89 te Mizorama khualzin lo kal te lo dawngsawng turin a awm mek a ni.

Leave a Reply

This site uses Akismet to reduce spam. Learn how your comment data is processed.