Nizan hmasa khan Hachhek Bial Kuhva Chingtu Pawl (HBKCP) leh CYMA Vice President leh CEC member ṭhenkhatte chuan dân lova Myanmar lam aṭanga India rama Kuhva lo lut ṭhin chungchang an sawiho.
HBKCP hruaitute chuan Mizoram chu kuhva smuggling kalkawng a nih avang leh Mizoram leilung fate tharchhuah hralhna kawngah harsatna thlen mektu a nihzia an sawi a, CYMA lam pawhin he kuhva rah ro rawn lut hi Dan anga kaltir a nih chuan, “Kan zavaia dam tlanna tur a ni,” tiin Hachhek Bial mipuite harsatna sutkian kawnga sawrkar nawrpui an hreh loh thu an sawi ve bawk a, mahse inremna fumfe a awm theih loh avangin a rang thei ang bera CYMA Office, Aizawla inbiakna nei leh turin thu an dah a ni.