Home » Chanchinthar » Huaisen lawmman, Jeevan Raksha Padak dawng tura rawtna/dilna hun hawng mek

Huaisen lawmman, Jeevan Raksha Padak dawng tura rawtna/dilna hun hawng mek

Sawrkar laipuia Ministry of Home Affairs chuan kum tina a lo tih ṭhin angin midangte nunna chhanna atana mahni inphata huaisen taka beitute hnena huaisen lawmman a lo pek ṭhin Jeevan Raksha Padak lawmman chi thumte dawng theitu tur rawtna/dilna hun a hawng leh mek.

He lawmman hi tui tlate, lirthei lam chi chetsualnate, kangmei lakah te, electric kalsual chhiatna lakah te, leimin, ramsa kawlh beihna, thil laih chhuahnaa chetsualna leh chutiang lam chi chhiatna tawkte chhanchhuaktute hnena hlan ṭhin Huaisen Lawmman a ni a, Mi tupawhin, mipa leh hmeichhia thliar lovin he lawmman hi a dawng thei a, Armed Forces, Police Forces, Fire Service te leh hetiang lam mite tan pawha dil theih a ni. Thih hnuah pawh he lawmman hi hlan theih a ni. Amaherawh chu kum 2022 lawmman hi kum 2021 October ni 1 hnu lama an thiltha tih behchhana dil tur a ni thung.

Mizoram atanga he lawmman dil duh emaw a dawng tlak mi huaisen rawtna thehlut duhte chuan an rawtna chu Under Secretary to the Government of Mizoram, Home Department ah ni 29.7.2022 aia tlai lovah an thehluh tur a ni a, a dilna form hi Serchhip district mite tan chuan SDO Sadaar, Deputy Commissioners’ Office, IOC Veng, Serchhipah ngaihven theih a ni.

Leave a Reply

This site uses Akismet to reduce spam. Learn how your comment data is processed.