Skip to content
Home » Chanchinthar » India zalenna sualtu Darthawma Renthlei (L) chawimawina hlân

India zalenna sualtu Darthawma Renthlei (L) chawimawina hlân

India ram zalenna kum 75 na (Azadi Ka Amrit Mahotsav) lawmna kal zelah Lunglei Deputy Commissioner Office chuan kum 2019 a thi ta, India tana zalenna sualtu Darthawma Renthlei chhungte hnenah chawimawina Certificate a hlan.

Lunglei District Bawrh-sap Kulothungan A chuan India zalenna kum 75 lawm-na kal zelah India sawrkarin zalenna sualtu 75 thlan chhuah zinga Darthawma Renthlei chawimawi tura a tel chu a lawmpuiin a chhuang hle tih a sawi a, Darthawma Renthlei chu India-in zalenna a sualna kawngah nasa takin tha leh zung a seng a, Indian National Army-ah telin India-in zalenna a sual chhuahna-ah a thawh hlâwk hle a ni a ti a, a inpekna leh huaisenna te chu ṭhangthar lo awm zel turten an entawn zel dawn a ti bawk.

Darthawma Renthei hi kum 1920 khan Pukpui khuaah a piang a, November ni 27, 1940-ah British Army a zawm a, kum 1941 khan Malaysia a thawn zingah telin, kum 1942 khan Japan leh British sipaite chu Prisoner of War-ah man niin, Darthawma Renthlei pawh hi a tel a ni.

Jail aṭanga a chhuah hnuin Indian National Army a zawm a, man niin, kum 1946-ah chhuah zalen a ni. India ramin zalenna a hmuh hnuah Freedom Fighter of India-ah pawm a ni a, India zalenna sualtute tana siam Tamrapatra Award chu August ni 15, 1973 khan hlan a ni bawk.

Darthawma hi Lunglei Chanmari-ah a nupui fanaute nen chengin, July ni 21, 2019 khan a thi a ni.

Leave a Reply

This site uses Akismet to reduce spam. Learn how your comment data is processed.