Zothlifim Logo
Loading ...

Khawzawl Police-te chuan Zirtawpni zan khan Khawzawl Police Check Gate-ah Truck ke 12 nei pakhat aṭangin Urea leiṭha Bag 500 an man a, Truck Driver pawh thu zawhfiah turin an la nghal a ni.

He leiṭha phurtu Truck hi T.Liana, Vapar khaw ta a ni a, Truck Driver hi Thang-siankhai (26), Lalmama tia koh a ni a, Driver in a sawi danin Urea hi Vairengte aṭanga phur chhovin Mualkawia dah tur a ni a, Khawzawl Police-te chuan hemi chungchangah hian Essential Commodities Act Section 7 hnuaiah thubuai an ziaklut a, Champhaiah Court thawn a ni ang.

Vairengte PS team leh Phainuam NGO volunteer te pawhin Ningani zan khan urea leiṭha, bags 210, Cheng nuai 5 hu chu danlo leh permit telloa Silchar (Assam) aṭanga Mizorama lakluh an lo man tawh bawk a, heng leiṭhate hi LMV truck pathum – Lal Uddin (35) Badarpur, Karimganj Assam, Jahir Uddin (41) Rajnagar, Bagha Cachar, Assam leh Forij Uddin Laskar (24) Joydhonpur, Bagha Cachar, Assam te khalh aṭangin Phainuamah an man a ni.


Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117