India zalenna kum 75-na lawmna Azadi ka Amrit Mahotsav (AKAM) North East Festival neih mekah nimin chawhnu khan Chief Minister Zoramthanga hovin, ‘Round- up Session of Roundtable on Untapped Eco-Tourism Potential and Role of Bamboo in the NE Region’ chu Dawrpui Multipurpose Centre, Aizawl ah neih a ni a, he hunah hian Robert Romawia Royte chu khualzahawm a ni.
Chief Minister chuan “Introducing Mizoram” tih lehkhabu, Azadi ka Amrit Mahotsav puala NEC leh Mizoram sawrkar (Planning & Programme Implementation Department) ṭangkawpin an siam chu a tlangzarh a, Handlooms & Handicrafts stall hrang hrang, sawrkar department leh mimal ta he programme puala buatsaihte chu a tlawh bawk a ni.
Thu sawiin CM chuan India zalenna kum 75-na puala India sawrkarin India ram kil tin hmasawnna pho-chhuak zawnga a lawmna a buatsaih chu lawmawm a ti a, tun ṭuma thupui zinga mi, bamboo development chu Mizoram mai nilo India hmarchhak state-te economy khai chhuaktu pawimawh tak a nih theih thu a sawi.
Khualzahawm Tourism Minister chuan tourism peng hrang hrang – adventure tourism te, religious tourism te, green tourism te, sports tourism leh a dangtea hmasawn turin leh thui tak thleng turin theihna (potential) Mizoramin a neih thu te, tihhmasawn zel pawh tum a nih thu a sawi a, heng atan hian mimal leh pawl aṭangin phûrna awm tura a duh thu leh, chung chuan hmasawnna chak tak a thlen theih thu sawiin, sawrkarin a lo puih zel tur thu a sawi a ni.
Joint Secretary, Ministry of DoNER Saurabh Endley chuan mau pawi-mawhna thu he hunah hian a sawi a. AKAM NEC Nodal Officer R.Lalrodingi pawhin hmasawnna kawng hrang hrangah Mizoramin theihna (potential) tam tak a neih thu leh heng hmasawn-na hna thawhna pui tura NEC a awm thu te a sawi bawk.
He hunah hian Chief Secretary Dr. Renu Sharma chuan kalkhawmte lawmna thu a sawi a, Mizorama sawr-kar department hnuaia ‘best practices’-te thlirho a ni a, Tourism Director V.Laleng-mawia chuan Eco-tourism leh chawhma lama neih zawh Roundtable on Eco-tourism chungchang report ngaihthlak a ni a, Horticulture Department aṭangin Potential of Bamboo chung-chang leh Roundtable on Bamboo chungchang Horticulture Director Dr. Elizabeth Saipari hnen aṭangin ngaihthlak a ni bawk. Planning & Programme Implementation Department Secretary Lalmalsawma Pachuau chuan lawmthu sawiin hun a khar a ni.