Zothlifim Logo
Loading ...

Tun dinhmunah Mizorama gas connection awm zat chu 3,25,121 niin, gas subsidy a la tawp lo a, KYC leh connection fel loah erawh subsidy a lut ṭha lo nia thudawn a ni.

Mizoram Consumer Union (MCU) General Secretary A. Lalhmangaihzuala sawi danin Aizawl veng zawng zawngah gas home delivery kalpui vek tum a ni a, chumi atan chuan tun dinhmunah pilot project atan veng 34 thlan a ni a, awareness pawh May 19, 2022 thleng neih tur a ni.

MCU GS sawi danin home delivery kalpuina man ₹70 zel bituk a ni a, Mizoram sawrkara Food Civil Supplies & Consumer Affairs (FCS&CA) leh Aizawl Municipal Corporation (AMC) hmalaknain Aizawl veng pum puiah gas home delivery kalpui turin hmalak mek a ni a, Aizawl veng pum puia kalpui theih a nih hunah chuan ₹50-ah tihhniam tumna a awm bawk.

Pilot project atana thlan zingah home delivery phûr vak lo vengte pawh an awm nia hriat a ni a, MCU GS chuan zawhna chhangin gas subsidy a la tawp lo tih a sawi a, tuna subsidy lut zat chu ₹144 a nih thu leh, lut ṭha lote chu mahni gas connection leh KYC enfela agent-te hnena complaint turin an chah a ni.

Dristrict hrang hranga Gas Connection awm zat
District Connection Agency

Mamit 15,470 3

Kolasib 17,631 5

Aizawl 1,64,128 25

Champhai 31,275 6

Serchhip 17,070 4

Lunglei 55,202 8

Lawngtlai 10,574 4

Siaha 13,771 2