Skip to content
Home » Chanchinthar » Mizoramah ruihhlo hman sual vanga thi mi 1,697 an awm tawh

Mizoramah ruihhlo hman sual vanga thi mi 1,697 an awm tawh

Mizoramah kum 1984 aṭanga kumin April thleng khan ruihhlo hmangsuala thi mi 1,697 an awm tawh a, kumin bikah ruihhlo vanga thi mi 4 awm tawhin, ruihhlo vanga thi an tlem chhan hi Covid-19 vanga hunrei tak chhung total lockdown (inkharkhip) nghawng ni thei a ngaih a ni.

Excise & Narcotics department (END) chhinchhiah danin, kum 1984 aṭanga kumin April ni 28 thlenga ruihhlo vanga thi zingah mi 1,495 te chu mipa niin, midang 202 te chu hmeichhia an ni a, kumin bikah mipa 3 leh hmeichhia 1 an boral leh tawh bawk a, kumdang aiin kumina ruihhlo hmansual vanga thi hi an tlem zawk a ni.

END hotute sawi danin, kumin bika ruihhlo vanga thi an tlem nachhan chu nikum leh kum hmasa lamahte hunrei tak chhung total lockdown puan a ni a, chu chuan ruihhlo ti mite pawh a nghawng lo thei lo a, hemi vang hian kuminah pawh kumdang ai chuan ruihhlo vanga thi an tlem nia an ngaih thu an sawi.

Hetihlai hian END hotute chuan tunlaiin ruihhlo (Heroin) man tur erawh a tam hle tih an sawi a, “Mizorama ruihhlo zawrh rawn risk an tam lutuk a, ruihhlo kawngbo te pawh kan ti hial tawh, vanneihthlak takin demand a sang lo hlauh niin a lang a, a lawmawm hle,” an ti.

Lockdown lai pawh khan a tira an hlauh chu OD-a thi an tam viau emaw, after shock an tam viau ang em tih a nih thu END hotute chuan an sawi bawk a, “Vanneihthlak takin chuti he hu kan ni ta lo hlauh a, kan lawm hle a ni, amaherawhchu hun te han kal chho se engnge kan an zel dawn tih chu a sawi theih loh,” an ti bawk.

Leave a Reply

This site uses Akismet to reduce spam. Learn how your comment data is processed.