Zothlifim Logo
Loading ...

Ni 27-29 April 2022 khan ATMA, Serchhip Block buatsaihin Mizoram Journalists Association, Serchhip District member-te chuan Mizorama Grape china leh sawrna hmunpui, Hnahlan khua an tlawh.

Chanchinbumite hi Hnahlan Grape Growers’ and Processing Cooperative Society hruaitu ten lo dawngsawngin, an Winery hmunhma fanpuiin, an hnathawh dan hra g hrangte an hrilhfiah nghal a ni.

Hnahlan Grape Growers’ and Processing Cooperative Society hruaitu CL.Thianga chuan zawhna chhangin, Hnahlan khua In 700 velah chhungkaw 250 velin Grape chhinga ei an zawn thu a sawi a, Mizoram sawrkarin Wine shop a hawn hun chhung khan Grape wine chu a hralhna a hnawng hman a, amah-erawhchu, zu khap a nih leh thu hian grape wine chu mipuiin in chan lo leh mekin, Grape sawr tur an duh thal an hmuh loh zawk thu a sawi a. Grape chinna hmun an lo hnuchhawn hman lek lekte pawh an tuai thar leh mek thu a sawi a, tunah hian nikum aṭanga an lo um tawh chu tun thla thar hian zawrh tura hralh chhuah an tum thu a sawi bawk.

Wine maker Catherine-i chuan hun hmasa lama Hnahlan-in an lo zawrh chhuah ‘Zawlaidi’ kha chu mipui aṭangin acid leh bawlhlo dang telhte avangin pum lam ṭha lote tan a him lo nia sawi a awm a. Tunah chuan bawlhlo dang bakah pumin a huat loh turin bawlhlo hman a ni tawh a, a hming pawh ‘Isabella’ tia thlak a nih tawh thu sawiin, 14% alchohol a awm thu a sawi a, Bazar ah bottle khat ₹600, bottle chanve ₹350 a nih thu a sawi.

Hnahlan Grape Growers’ and Processing Cooperative Society hi kum 2005 khan din a ni a, kum 2010 ah Grape sawrna Winary hi dinin, Self Help Group hmanga sum an puk bakah MIP atanga an sum hmuh hmanga din a ni.

MJA te hi ATMA hotu 2 bakah Agriculture Deptt. hotu 1 ten an hruai a ni.