Zothlifim Logo
Loading ...

Ramchhung hmun dang rualin National Technology Day vawi 24-na nimin khan Mizoramah hman a ni a, he ni lawmna hun hi Directorate of Science & Technology huaihawtin MINECO-a Innovation Facility Centre-ah neih a ni a, Human Resource Development Board Vice Chairman L.Thangmawia, MLA chuan a hmanpui a, HRD Vice Chairman hian tate Meteorological Centre khawl thar; mipuiin mobile phone aṭanga Aizawl khawchin an en theihna tur Aizawl Automatic Weather Station chu vantlang hman theih turin a hawng nghal a ni.

L.Thangmawia chuan technology hi Mizote chem kalna lam tak a ni a, pi leh pute hun laia an mamawh mil technology an siam chhuak thei a, tun hunah pawh Zopa technology ṭangkai tak tak – Arhmul pawhna, changel channa, Kuhva rah thelna, Vaimim fang nuaina, buh den chipna, nimbu tui sawrna, agarbati stick siamna leh adangte Zopa scientist-ten an siamchhuak thei a ti. Mizo-ram mil Zopa Technology tih changtlun zel nan Innovation Facility Centre (IFC) chu hawn a ni a ti a, he Centre kaltlang hian Zoram mamawh technology thar piang chhuak tur tam tak a la awm zel dawn a ni, a ti.