Mizoram Rural Bank chuan Corporate Social Responsibility (CSR) kaltlangin hospital leh YMA hman ṭangkai tur bus leh ambulance a pe a, heng an thilpek hlanna pual hian MRB office, MINECO-ah inkhawm buatsaihin, Chief Minister Zoramthanga chuan a hmanpui a, Health & Family Welfare Board Vice Chairman Dr. ZR Thiam-sanga chu khualzahawm a ni.
MRB in tun ṭuma CSR hnuaia an thilpekte hi Synod Hospital, Durtlang hnenah bus, Hnahlan PHC tan Ambulance leh Sialsuk Branch YMA tan Ambulance te a ni.
Chief Minister chuan Bank te’n vantlang mipui hamṭhatna atana hetianga thilpek ṭangkai tak tak an pe ṭhin chu lawmawm a tih thu sawiin, MRB-in CSR hnuaia hamṭhatna tam tak an lo tih tawh ṭhinte chu lawmawm tiin, Zoram mipui tana an hnathawh ṭha chu chhunzawm zel turin a chah a. Sawrkar nen pawh thawhhona ṭha neidun zelin, an tan sawrkar chu a inhawn reng thu a sawi bawk.
He huna khualzahawm Dr. ZR Thiamsanga bakah MRB Chairman V. Jaya Chandra leh Regional Manager Network-I VL Zahawma-ten thu an sawi bawk.