Food, Civil Supplies & Cosumer Affairs Department chuan state chhunga petrol khuahkhirhna thupek a tichhuak.
Nimina FCS&CA Director, Ramdinliani’n thupek a tihchhuahah chuan Assam leh Meghalaya chhunga hmun ṭhenkhatah tuilian leh leiminin rel kawng leh national highway-te a tihchhiat avangin state chhungah POL, a bikin petrol, chawkluh a khaihlak thei dawna hriat a ni a, Petrol khaihlak avanga sawrkar leh mipuite’n harsatna lian zawk tawk lova petrol mamawhtute’n rualkhai zawka an chan theihna’n khuahkhirhna siam a ni tih a tarlang a, ruahmanna siam ang chuan petrol pek chhuahna hmunah Two-wheeler (Scooty) tan vawi khatah litre 3 pekchhuah theih a ni a, Two-wheeler (motorcycle) Litre 5, LMV litre 10 pek theih a ni a, tun dinhmunah Diesel chu khuahkhirh a ni lo a ni.
Hetihlai hian Serchhip bikah chuan Petrol hi Two wheeler tan litre 2, Auto rickshaw tan litre 3 leh Four wheeler tan litre 5-a semtir a ni.