Home » Chanchinthar » President lo zin laia lirthei veivak zawm tur thupek tichhuak

President lo zin laia lirthei veivak zawm tur thupek tichhuak

President Ram Nath Kovind chuan zan khat riak turin ni 5.5.2022 hian Aizawl a rawn thleng dawn a, hemi ni leh a tuk ni 6.5.2022 hian Aizawl khawpui chhunga lirthei vek vakte hriattur leh zawm turin Rodingliana Chawngthu, Sr SP, Traffic chuan thupek a tichhuak.

Ṭhuampui Helipad aṭanga Raj Bhavan; Thuam-pui, Bawngkawn, Chaltlang, Chanmari, Zarkawt, Dawr-pui, Venghlui, kawngpui dungah te hian ni 5.5.2022 zing dar 7 aṭanga chhun dar 12:30 inkarah leh, a haw ni, 6.5.2022 zing dar 7 aṭanga zing dar 10:30 inkarah lirthei leh bungrua engmah dah phal a ni lo a ni.

Hei bakah hian Raj Bhavan aṭanga Mizoram University; Tuikual South, Tuikual North, Dinthar, Dawrpui Vengthar, Vaiva-kawn, Luangmual, Chawlh-hmun, Sakawrtuichhun leh Tanhril kawngpui dungah te ni 5.5.2022 zing dar 10 aṭanga tlai dar 6 inkarah lirthei leh bungrua engmah dah phal a ni lo bawk.

President chetvelna tibahlah thei thil pumpelhna atana ruahmanna siam hi lirtheia veivakten an hriat loh vanga buaina an tawh lohna tur leh ṭul lova hun an sen thlawn loh nan lo inhmakhua a, pumpelh dan kawng zawng turin ngen an ni a, lirtheite pawh nidang aia rei din a ngai dawn tih a tarlang bawk.

Leave a Reply

This site uses Akismet to reduce spam. Learn how your comment data is processed.