Skip to content
Home » Chanchinthar » RD Minister-in ni 2 awh tur National Seminar a hawng

RD Minister-in ni 2 awh tur National Seminar a hawng

Rural Development Minister Lalruatkima chuan nimin khan Mizoram University-ah ni 2 awh tur India hmar chhaka tualchhung sawrkar leh a enkawl dan zirhona, National Seminar a hawng.

“National Seminar on Local Government & Management in North-East India” hawnna thu sawiin, Lalruatkima chuan Local Government hi hmasawnna hna thawh kawngah a bulṭhuta awm an nih avangin an pawimawh em em a, Mizoram telin India hmarchhak State ṭhenkhatin Local Government kan kalpui dan hi India ram hmun dang aiin a danglam deuh bawk a, Local Government enkawl dan leh kaihhruai dante hi felfai tak leh mumal taka duan a ni a, heti chung hian induhkhawp tawk a har ṭhin a, hemi puala National Seminar neih a ni hi a ṭha zawngin min nghawng ngei ang tih ka beisei a, ka lawm takzet a ni a ti.

Lalruatkima chuan Management mumal hi nitin nun, chhungkua, khawtlang leh ram inrelbawlna ah a pawimawh takzet a, mithiam leh ropui, sulhnu nei tha tak tak ten an thiamna leh hriatna te National Seminar kaltlanga an rawn pho chhuak tur hi a lawmawmin a phurawm takzet a, hei hian ram leh hnam hmasawnna kawngah pawh thui takin awmzia a nei ngeih ang tih ka beisei, tiin duhsakna a hlan a ni.

May ni 26 & 27, 2022 chhunga neih tur he seminar hi Mizoram University-a Department of Management-in an huaihawt a ni a, Rajiv Gandhi National Institute of Youth Development (RGNIYD), Sriperumbudur, Tamil Nadu-in an sponsor a ni. He seminar ah hian India hmarchhak State hrang hrang bakah Delhi leh Kolkata atangin zirlai an tel a ni.

Leave a Reply

This site uses Akismet to reduce spam. Learn how your comment data is processed.