Home » Chanchinthar » SEDP atangin Ephatha Special School tan cheng nuai 2 pe dawn

SEDP atangin Ephatha Special School tan cheng nuai 2 pe dawn

Human Resource Development Board Vice Chairman L.Thangmawia chuan nimin khan Vohbik (Beng ngawng & Ṭawngtheilo) te tana Ephatha Society of Mizoram in an din Ephatha Special School, Kulikawn ami a tlawh a, Ephatha Special School atan Computer Set 1 leh Printer 1 pein School ṭanpui nan SEDP atangin School Education Minister Pu Lalchhandama Ralte chuan Rs 2,00,000/- a ruahman sak thu Ephatha Society of Mizoram te hi a hrilh a, Sawrkar lam atang pawhin puih theihna awm apiangah puih zel an nih dawn thu leh danin a phal chuan Lumpsum GIA kum tin an hmuh ve theih nana thuneitu sang zawkte hnena a thlensak tur thu a hrilh bawk.

Ephatha Special School, Kulikawn-ah hian Class I–VIII awmin zirlai 16 an awm mek a, lawmman tlemte dawngin zirtirtu pali (4), sign language thiam vek ten naupang hi an zirtir mek a ni.

Leave a Reply

This site uses Akismet to reduce spam. Learn how your comment data is processed.