Zothlifim Logo
Loading ...

Saul ‘Canelo’ Alvarez chuan Dmitry Bivol nena inhnek nawn leh ai chuan Gennady Golovkin nen a ṭum thumna atana inhnek nawn leh thlang zawkin, September thlaah an inhnek dawn.

Mexican kum 31 mi, Alvarez hian light-heavyweight-ah Bivol laka a chak loh hnuah undisputed champion a nihna, super-middleweight-ah a kir leh dawn a, Alvarez hian Russian boxer Bivol hnek nawn leh theihna a nei a, mahse Golovkin nen inremna an neih tawh chu a hmang dawn zawk a ni.

Alvarez chuan, “Ni rei lote hnuah September thlaa inhnek tur hi kan puang dawn a ni,” tiin ESPN a hrilh a, “Chiang taka ka sawi theih chu, GGG ka hmachhawn dawn a, a chhan chu inremsiamna kan neih sa tawh vang a ni a, hetihlai hian Bivol pawh ka la hnek leh dawn a ni,” a ti bawk.

Alvarez leh Golovkin-te hi middleweight-ah kum 2017 khan sawisel hlawh takin an indraw a, hemi hnu hian kum 2018 khan Alvarez hian Golovkin hi a hneh a, tun hi ṭum 3 an inhmachhawnna tur a ni.

April thlaa kum 40 tling ta, Golovkin hian Alvarez a hneh loh hnu khan a zawnin fight pali-ah hnehna a chang leh tawh a, IBF leh WBA (Super) middleweight title-te chu a kawl leh tawh a, Alvarez hian May ni 7-a a career-a a chak loh ṭum hnihna ni tura Bivol laka a chak loh hma khan September ni 17-a Golovkin hmachhawn tur hian inremna an lo nei tawh a ni.