Mizoram Wrestling Association buatsaih, Wrestling (inchai) inelna lian ber, 5th Inter District Mizoram Wrestling Championship, 2022 leh Mizo inchai Tittle fight Challenger zawnna chu karleh Thawhlehni, May 17-19, 2022 chhung khian Serchhip Indoor Stadiumah Serchhip District Wrestling Association chuan a thleng dawn.
Hripui leng leh rokhawlhna hrang hrang vangin hun engemaw chen Mizo inchai buk hrang hranga champion lai cho theitu tur zawn a ni lo a, tun ṭum bikah hian Mizo Inchai title kawl lai cho theitu tur zawn a ni dawn a ni.
Inter District Mizoram Wrestling Championship-ah hian free style-in, under-17 leh Senior anga inelna nei tur neih a ni dawn a, hei erawh chu International Level anga khelh tur a ni thung dawn a ni. Mizoram chhunga District hrang hranga wrestler under-17 bakah category hrang hrang: -35, -39, -43, -45, -48, -51, -55, -60 leh +60 kg-ahte inelna neih a ni dawn a, Senior weight Category pawh United World Wrestling (UWW) weight ṭhen anga kalpui tur a ni a, Free style bikah chauh inelna neih tur a ni dawn a ni.
Mizo inchaiah hian Mipaah Pate: -65Kg, Palai-hawl: -80Kg, Palian: +80Kg, Hmeichhiaah Nute: -60 Kg, Nulaihawl: -70Kg leh Nulian: +70Kg-ahte hian Tittle fight challenger turte zawn a ni dawn a, he Championship hi Willow Enterprise, Ramhlun North chuan an sponsore a ni.
Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117