Nimin khan BJP, Siaha District chuan District Election Office, Siaha-ah Sport Minister Robert Romawia Royte fapa-in election Model Code a bawhchhia tia puhin complaint an thehlut.
Nimina BJP, Siaha District-in thuchhuah an siamah Robert Romawia Royte (RRRa) fapa hian Thiahra khua Field siam nana cheng nuai 10 a pe tih hriat a nih thu an tarlang a, MADC Election, May 5, 2022-a neih mai tawh tur a nih laia hetianga Robert Romawia Royte fapa-in mipui chhiah thawhkhawm Budget aṭanga a sum chhekkhawl ni ngeia lang pawisa loa a lo pe hi Election Model Code of Conduct Rule kalh a nih avangin, hemi chung-changa hma la a, dan anga action la nghal turin DEO Siaha-ah Complaint an thehlut ta niin an sawi a ni.