Nimin, May ni 22 kha International Day for Biological Diversity a ni a, he ni pual hian khawvel pumah biodiversity hlutna leh mihringte damkhawchhuah-na atana an pawimawhnate inzirtirna hun hman a ni a, he ni pual hian Thenzawlah pawh Environment, Forest & Climate Change Department, Thenzawl Forest Division-a thawktute leh, Jawahar Navodaya Vidhya-laya (JNV), Thenzawl zirltirtute leh zirlaiten hun an hmang.
Nimina Thenzawla International Day for Biodiversity puala hun hmannaah hian Thenzawl DFO Lalbiakchama Chawngthu chuan biodiversity pawimawhna leh humhalh an ṭulzia Power Point Presentation (PPT) hmangin zirtirna a pe a, zirtirtute leh zirlaite nen inkawmhona an hmang zui a, he hun an hman zawh hian JNV Campus-ah thing an phun nghal bawk a ni.
Kumin Biodiversity theme chu “Building a shared future for all life’ (Nunna zawng zawng tana an hmalam huna an chanpual tur siamsak) tih a ni a, he ni hi kuminah chuan Pathianni a nih avangin Mizoram hmun ṭhenkhatah chuan Inrinni khan he ni pual hian hun an lo hmang tawh bawk a ni.