Deputy Chief Minister Tawnluia leh Union Home Secretary Ajay Kumar Bhalla chu Thawhlehni khan a pisa, New Delhi-ah inkawmin, Deputy Chief Minister hian Assam Rifles-te Zokhawsang a an insawn tur chungchang a sawipui.
Deputy Chief Minister hian Assam Rifles lamin remchan lohna eng engemaw an neihte enfel turin Aizawlah ngei Ministry of Home Affairs huaihawtna hnuaia meeting neih a rawt a, Union Home Secretary chuan Assam Rifles-te insawn chhuah nan engkim peihfel a nih tawh thu a sawi a, Tawnluia rawtna chu ṭha tiin, Meeting chu June thla chhunga neih nghal a nih tur thuin a chhang a ni.
Heng bakah hian Deputy Chief Minister Smart City hnuaia lammual bula Laldenga Cultural Centre sak a nih tur leh, ṭan hma a ngaih thu sawi bawkin Union Home Secretary hian ṭan nghal theih a nih thu a hrilh bawk a ni.
Deputy Chief Minister hi Commissioner & Secretary Home Department H. Lalengmawia leh Additional RC Alexander V.Chongthu-ten an ṭawiawm a ni.