Skip to content
Home » Chanchinthar » Zu khap chungin MNF-in chhiah a hmu tam zawk:Robert Romawia

Zu khap chungin MNF-in chhiah a hmu tam zawk:Robert Romawia

MNF Adviser, Robert Romawia Royte, Sports Minister ni bawk chuan “Congress sawrkarin zu an zawrh laia chhiah sum an dekchhuak hnem nia kan hriat ai khan MNF Sawrkarin zu khap chunga chhiah sum kan dehchhuah hi a tam zawk fe a, kum 2017-18 aiin kum 2019-20-ah ringawt khan cheng vbc 242 chuangin kan thawk chhuak hnem zawk a ni,” a ti.

He thu hi nimina Mizo Hnam Runa Chhung Inkhawm an neihah sawiin, Robert Romawia chuan zu hi kan mithiam ṭhenkhatin revenue ṭha a ni an ti fo a, hei hi a dik famkim lo, state danga zu lakluh nan sum tam tak state dangah an luangchhuak a, state dangin tax leh thil dangah a hlâwkna an lo tel daih zawk. Kan ramah zu kan siam loh avangin zu zawrh hlawkpuitute chu state dangte leh zu zuarte an ni ber a, zu lei nana sum tam tak luangchhuak ṭhin leh zu lei nana hman ṭhin khan Cement te, Infrastructure dinna tur hmanrua te, motor-te kan lei a, chu’ng aṭanga chhiah chu Mizoram chhungah a lût ta a ni. Zu zawrh a nih lai ai khan MNF sawrkar hnuah zu chhiah pawh la miah lo, Covid hripui tuar chunga MNF sawrkar chhiah sum dehchhuah (tax revenue) chu kum 2021-22-ah chuan Zu zawrh hunlaia tax hmuh tam ber cheng vbc. 424.92 aiin a letin a tam ta zawk, cheng vbc 894 chuang a ni ta, tiin a sawi a, sawrkarin zu zawrh a titawp hi sum dehchhuah kawngah kan hlawkpui zawk a, hei hian zu hi sawrkar tan sum dehchhuahna ṭha ber a ni lo tih a tichiang a ni a ti.

Leave a Reply

This site uses Akismet to reduce spam. Learn how your comment data is processed.