Skip to content
Home » Chanchinthar » Birth certificate pek chhuah kawnga fimkhur a ngaihdan sawiho

Birth certificate pek chhuah kawnga fimkhur a ngaihdan sawiho

Nimin khan Siaha Addl. DC office-ah Birth Certificate pek chhuah chung-changah Myanmar raltlante avangin fimkhur a ngaih dan sawiho a ni.

Sawihonaah hian Siaha Executive Magistrate chuan Siaha district chu Mizoram district zinga Myanmar raltlan awm tamna ber a nih mek thu te, raltlan zingah anmahni emaw, an fate emaw tan Delayed Birth Certificate dil an awm nual tawh thu a sawi a ni.

Myanmar raltlan ni si, an nu leh pa atan India khua leh tui EPIC neite hmanga Kohhran, VC leh tlawmngai pawlten India khua leh tui anga an lo hriatpuite an awm ṭhin a, he thil hian nakin hunah Siaha district chu nasa taka a la nghawng theih dawn avangin nimina meeting chuan DRO office chu fim-khur taka Birth Certificate pe chhuak turin a ngen a, dik hlel taka Birth Certificate hi pek chhuah a niha man chhuah a nih leh si chuan Registrar bakah a hriatpuitu VC, Kohhran leh Tlawm-ngai Pawl lakah pawh dan anga hremna lekkawh theih a ni tih mitinin hria se an duh thu an sawi bawk.

Leave a Reply

This site uses Akismet to reduce spam. Learn how your comment data is processed.