Skip to content
Home » Chanchinthar » Cheng Vbc. 76 ba rulh nana vbc. 1000 puk tum mak ti

Cheng Vbc. 76 ba rulh nana vbc. 1000 puk tum mak ti

BJP Mizoram State president, Vanlalhmuaka chuan, “Mizoram Health Care Scheme-a inziah luh nan mipui te’n sum ₹500/- ₹1000/- te tunah chuan ₹2000/- te sen a ngai a, chuti chung chuan Bill a tang ṭeuh mai a, chu’ng Health Care Scheme-ah chuan Mizoram sawrkar-in Cheng Vaibelchhe 76 vel lai a bat sak a, mirethei leh harsate’n kum 2 vel an nghak tawh a, chuta mipui harsatna sutkianna turin Zoramthanga kaihhruai MNF sawrkar chuan Cheng Vaibelchhe 1000 puk a tum thung a, a mak khawp mai, Cheng Vaibelchhe 76 vel ba-in cheng Vaibelchhe 1000 han puk chu chhut thiam chuan chhut mai tur a ni,” a ni a ti.

Nimina Aizawl BJP Office-a kar thar Pathian hnena inhlanna hun an neihnah he thu hi sawiin, Vanlalhmuaka chuan, “Keini BJP hi kan awm chhan leh Mizorama kan din chhan chu Mizoram hian a chan tur dik tak a chan a, hmasawnna leh hamṭhatna State danga kan hmuh leh kan thlir ṭhin hi kan kawtlaiah ngei kan neih ve theih hi a ni kan tum bulpui chu ni, mirethei te’n leirem an rah theihna turin Central sawrkar chuan Scheme hrang hrang a siam a, chu’ngte chu a nihna angin han hmang ngat ila chuan miretheite’n tuna Central aṭanga kan dawn mek bakah hian hamṭhatna dang hi tamtak dawn tur a awm a ni,” a ti.

Leave a Reply

This site uses Akismet to reduce spam. Learn how your comment data is processed.