Nimin khan Chief Minister Zoramthanga hovin CM Conference Hall-ah ZMC chungchang leh department hnuaia hmalakna tur ngaihtuah ngaite sawiin, an ṭhukhawm.
Meeting-ah hian centrally funded medical institute hrang hrang an zirchianna chhawp chhuak-in, ZMC chu JIPMER model emaw Regional Institute Model anga kalpui ṭha dawn nia an hriat thu sawi a ni a, JIPMER model ah hian a awmna state tan seat 30%, a bak 70% central government pool chu seat insem dan a ni a, Regional Institute Model (NEIGHRIMS, RIMS)-ah hian college awmna state-in 30% seat changin central pool 15%, North-eastern region tan 55% a ni thung a, ZMC-a zirtirna a ṭhat thu leh, zirlaite pawh an ṭhat thu sawiin, 100% central funding hmuh a, facility ṭha zawk pek a nih theih chuan India rama medical college ṭha pawlah la inhlangkai thei ngei tura an beisei thu department hotulu te chuan an sawi a ni. Heng bakah hian Health & Family Welfare hnuaia department hrang hranga thawktu mamawh leh post siam belh ngaite thlen a ni bawk.
He hunah hian Health Minister Dr. R. Lalthang-liana leh H&FW Board Vice Chairman Dr ZR Thiam-sanga-te bakah mi pawi-mawh dangte an tel a ni.