Zothlifim Logo
Loading ...

Home Secretary H.Lalengmawia chuan sawrkar record-a a landanin Mizorama Cyber thubuai za zela 70 chu internet kaltlanga suma inbumna a ni tih a tarlang a, One Time Password midangte hnena hrilh (share) avanga inbumna thleng a tam hle tih a sawi.

Nimin khan Home Secretary H.Lalengmawia hovin Cyber Jagrookta Diwas denchhenin Home Department hotute a pisa-ah meeting an nei a, meeting-ah hian H.Lalengmawia chuan Cyber Crime chungchanga mipui zirtirna Cyber Jagrookta Diwas kaltlanga Programe an siam tawhte thlirhona a neihpui a, Information and Communication Technology hmasawn zelah mipuiten fimkhur taka internet banking leh social media an hman uluk a ngaihzia a sawi. Covid-19 len vanglaia DIPR youtube channel kaltlanga Cyber Crime chungchang inzirtirna an lo buatsaih tawh chu thlirlêt bawkin, ziaka feedback 600 chuang a awm thu sawiin, youtube channel hmantirtu Information & Public Relations Deptt. chungah lawmthu a sawi bawk a ni.

Meeting chuan hengte a vang hian Cyber Crime do nan nasa lehzual zawka zirtirna kalpui ni se tih chu relin, mawhphurhtu bikte inruat in, Department dangte nena thawhho dan tur rel a ni bawk a ni.

Meeting-ah I&PR Director C. Lalnunkima leh midangte pawh an tel a ni.