Skip to content
Home » Chanchinthar » Fisheries Minister hova ṭhukhawmin PMMSY hnuaia hma la ṭha lo te ‘show cause notice’ pek nise ti

Fisheries Minister hova ṭhukhawmin PMMSY hnuaia hma la ṭha lo te ‘show cause notice’ pek nise ti

Fisheries Minister K.Lalrinliana hovin Pradhan Mantri Matsya Sampada Yojana- PMMSY 2020-2021 hnuaia hmalakna te thlirho a ni a, hetah hian he scheme hnuaia hmalakna kal mekah ṭanpuina dawngtu hna thawk ṭha lote chu installment pek hmabak turte hren rih a, insawifiahna ‘show cause notice’ pek ni se an ti.

Nimina Minister hova ṭhukhawm chuan Fisheries Department Secretary kaihhruaina hnuaiah Monitoring Cell din a, a remchang dan apiangah PMMSY hnuaia hmalakna te a hmunah tlawh zel ni se an ti bawk.

Nimina ṭhukhawmte hian Ornamental Fish Rearing Unit pathum Aizawla din tawhte chu a hmunah an tlawh nghal a, Fisheries Minister hova heng hmalakna tlawhtute chuan an hmuh chinah ṭha an ti hle a, an hmalaknate fakawm an ti a, midangte tan pawha entawntlaka hma la zel turin an fuih a, PMMSY scheme hnuaiah Ornamental Fish Rearing (Sangha mawi khawi) hi tun aia tam zawk leh darh zau zawk a hmalak ṭha an ti a ni.

He scheme hnuaiah hian sangha dil ṭanpuinate bakah a no khawina te, sanga chi siamna hatchery, vur khawl siamna ice plant, sangha zawrhna Kiosks, leilet buh nena sangha khawina leh sangha mawi khawina leh siamna ṭanpuinate pek chhuah a ni.

Leave a Reply

This site uses Akismet to reduce spam. Learn how your comment data is processed.