@ Leeds United leh England midfielder Kalvin Phillips, 26, chuan club hnenah kumin nipuiah Manchester City zawm tura chhuah a duh th a hrilh. (Football Insider)

@ City hian £45m-50m velin Leeds hi an hralhtir theih mai an inring a ni. (Athletic)

@ Juventus chuan an midfielder hlui Paul Pogba chu ṭawngkaa inremna an neihpui hnuah thla thar tirah khian contract an ziakpui theih an beisei. (Guardian)

@ Real Madrid-a a contract a hman zawh hnua free agent ni ta, Wales forward Gareth Bale, 32, ngaihventu zingah Tottenham, Newcastle leh Aston Villa-te an tel. (Sun)

@ Chelsea chuan hunrei tak an lo hel tawh Sevilla defender Jules Kounde chu an lalut thei lo mai thei a, kum 23 mi hi Barcelona chuan kumin nipuia lalut turin inbiakna thui tak an neihpui tawh a ni. (Catalunya Radio)

@ Chelsea chuan Romelu Lukaku chu Inter Milan lama loan-a kirtir tumin inbiakna an neihpui ṭan a, mahse Belgium striker kum 29 mi hian a hlawh tihhniam a ngai dawn a ni. (Telegraph)

@ Arsenal chuan Real Madrid lama a hlawha lungawi lo mek, Spanish midfielder Marco Asensio, 26, chu an lalut thei mai thei. (Mirror)

@ Asensio hian Real Madrid-ah hian kum khat contract a la nei a, la châm chhunzawm duh mahse a hlawh tihsan phu-in a inhria a ni. (Marca)

@ Real Madrid chuan Borussia Dortmund English midfielder kum 18 mi, Jude Bellingham chu lakluh an inbeisei zel a, hetihlai hian Premier League club Manchester United leh Liverpool-te nen £78m chung lamah an inel a ngai dawn a ni. (metro)