Football thuthang (29.6.2022)

@ Tottenham chuan Everton aṭangin Brazil forward Richarlison, 25 leh English winger Anthony Gordon, 21-te chu lak an duh a, Chelsea chuan Richarlison hi an ngaihven ve mek a ni. (Sky Sports)

@ Hetihlai hian Everton chuan Richarlison transfer chungchangah Gordon hralh tel ve lam an ngaihven lova, Goodison Park-ah kum 2025 thleng contract a la nei a ni. (Liverpool Echo)

@ England midfielder Jude Bellingham chu nakum nipuia Real Madrid lakluh tum ber tur a ni dawn a, hetihlai hian Spanish club hian Chelsea leh Liverpool-te an el a ngai dawn a ni. (AS)

@ Liverpool forward Mohamed Salah, 30, chuan kum 2022-23 seson tawp hunah free agent nia a chhuahsan rin a ni. (Mirror)

@ Arsenal chuan Ajax defender kum 24 mi, Lisandro Martinez chu £35m-a lei dilna an thehlut. (Mirror)

@ Hetihlai hian Ajax chu Martinez hralh tumin buaina an nei lo a, a manah £45m an chhiar a ni. (Sun)

@ Barcelona chuan June ni 30-a a contract hmang zo tur, France forward Ousmane Dembele contract an zawrh chu tihpunsak an tum lo. Kum 25 mi hi Bayern Munich, Chelsea leh PSG-ten an ngaihven a ni. (Marca)

@ Dembele hian a hmalam hun tur atana thutlukna hi darkar 72 chhunga siamfel a tum a ni. (Mirror)

@ Juventus chuan Wales midfielder Aaron Ramsey chu an lehkhabu aṭanga a hming paih a, free agent a nih phalsak turin euro 4m (£3.45m) pek tumin an inbuatsaih. (IBianconero.com)

@ AC Milan chuan Chelsea Moroccan winger Hakim Ziyech, 29, chu lakluh a tum. (Calciomercato)