Rafael Nadal leh Novak Djokovic-te chuan an inkhelh hun tur aia tlai fe-a an inkhel a, darkar 4 zet an inkhelh hnuah Nadal hian 6-2, 4-6, 6-2, 7-6 (7-4)-in hnehna a chang a ni.
An inkhelh tlai chhan zawhna chhangin Nadal chuan, “Harsatna engmah a awm lo. TV lamin sum tam tak an seng tih ka hrethiam a, mahse a inbuk tawk dan kan zawn a ngai a ni,” a ti a, Djokovic pawhin, “Broadcaster-ten zana inkhel leh chhuna inkhel a ni emaw, sum an seng a. An thutlukna a ni,” tiin a sawi ve bawk.
Clay-court Grand Lam-a zana inkhelh hi 2021 tournament aṭanga hman ṭan a ni a, night match hi France-ah chuan Amazon Prime-a tihchhuah a ni a, an tualchhung sanaa dar 8:45 aṭangin ṭan a ni a, inkhel tlai zawk hi ticket hran siam a ni a, hmeichhe match a tlem avangin sawisel pawh a hlawh hle a, Djokovic chuan, “Ka ngaihdan chuan an ṭan tlai mah mah a ni. Mahse an ti leh ṭhin a, TV thutlukna a ni,” tiin a sawi.
Spanish fifth seed Nadal hian Roland Garros-a title la tam ber a nihna, title 13 laa record a siam belchhhah turin hun ṭha a la nei zel a, he inkhel hi French Open History-a inkhel zo tlai ber dawttu niin, inkhel zo tlai ber aiin minute 11-in an zo hma hret a ni.
Nadal hian Zirtawpni-ah third seed Alexander Zverev chu semi-final-ah a hmachhawn dawn a ni.