Zothlifim Logo
Loading ...

French Open khelh mekah third seed Alexander Zverev chuan semi-final a thleng a, a zawnin kum 2 semi-final a thleng ta a ni.

Zverev hian Grand Slam title lak hmasak ber a tumnaah French Open-ah beiseina la nei thei zel turin quarterfinal-ah hian sixth seed Carlos Alcaraz chu 6-4, 6-4, 4-6, 7-6 (9-7) chu a hneh a, kum 25 mi hian semi-final-ah hian champion lai Novak Djokovic leh ṭum 13 champion tawh, Rafael Nadal-te inkhela a chak zawk zawk a hmachhawn dawn a, Djokovic leh Nadal-te hi nizan zanlai khan an inkhel a ni.

Nikum khan Zverev hian semi-final-ah Stefanos Tsitsipas a lo hneh lo tawh a, Grand Slam semi-final ṭum 4 a thlen tawhah ṭum 1 chiah final a la thleng thei a ni.

Hetihlai hian World number 2 Daniil Medvedev chuan fourth round a thleng zo lova, Marin Cilic lakah 6-2, 6-3, 6-2-in a tlawm a, kum 33 mi, Cilic hian seventh seed Andrey Rublev chu vawiin tlai dar 6-ah quarterfinal-ah a hmachhawn dawn a, Rublev hian fourth round-ah Jannik Sinner a hmachhawn a, 1-6, 6-4, 2-0-a hma a hruai laiin Sinner hi a khel chhunzawm thei ta lo a, Rublev hian hnehna a chang ta a ni.