MBSE Chairman JH Zoremthanga chuan hripui leng vangin HSSLC Exam 2022-ah naupang exam tluan theilo an awm nual a ti a, theory-ah zirlai 52 leh practical ah zirlai 75 exam tluan theilo an awm tih sawiin, heng zirlai te tan hian Compartment exam rualin Special exam an buatsaih sak dawn tih a sawi.
MBSE Chairman chuan zirlai naupang te admission ah an tlai lohna turin compartment exam chu kum dang aia hmaah neih an tum tih a sawi a, result complaint hun pawh June ni 7 thleng hawn a ni tih a sawi.
Nikum aia result zaa 5.73 a tlemna chhan chu hripui leng vanga class kal theih loh vangin zirlai tamtakin harsatna an tawk tih a sawi a, Commerce subject lamah leh History subject-ah kum dang aiin fail an tam tih a sawi.
JH Zoremthanga chuan hripui leng vangin kum 2 chhung syllabus an titlem tih sawiin, kumin session aṭangin syllabus pumpui an zir tawh dawn tih a sawi a, Mizoram chhunga an zir syllabus chu state dangte nen a intluktlang vek tih a sawi bawk.