Kawnpui leh a chhehvel khuate tui tlan lai, Tuitun lui-ah Inrinni khan mi tu tih hriatlohten Vawk thi an paih hmuh a ni a, hemi chung-changah hian Kawnpui VC-III leh Zanlawn VC-te chuan a titu zawn chhuah an nih theih nana hma la turin Kawnpui Police Station-ah FIR an thehlut a ni.

He vawk thi paih vang hian PHED chuan an Tui pump khawl sa khaw chhung tanky-a litres nuai 13 chuang awm tawh chu an paih a ngai dawn a, treatment plant a awm zawng zawng pawh nimin khan an paih ṭan nghal a, hem hnu hian tihfai leh a ngai dawn a, ni engemawti chhung chu PHED-in tui an sem thei dawn lo a ni..