Skip to content
Home » Chanchinthar » Kohhran hrang hrangin Pentecos Ni hmang

Kohhran hrang hrangin Pentecos Ni hmang

Nimin kha Pentecost Ni a ni a, khenbeh a nih hnu a Isua Krista thi a a thawh leh ni aṭanga ni 50-na chu kohhran hrang hrangin urhsun takin an hmang.

Presbyterian kohhran chuan chawhma, chawhnu leh zan inkhawmah thupui bik thlangin chawhma lamah ‘Tichaktu – Thlarau Thiang-hlim’ tih thupui thlan zirho a ni a, chawhnu inkhawmah ‘Thlarauvah awm rawh u’ tih zirho a ni a, zan lamah chuan ‘Thlarau Thianghlim leh Kohhran’ tih thupui zirho leh bawk.

Nizan inkhawmah PCI Assembly puala thawhlawm lâk khawm a ni a, thawhlawm lakkhawmte hi Chanchin Ṭha hrilna atana hman ṭhin a ni.

Mizoram Baptist Kohhran pawhin Pentecost Ni hi urhsun takin an hmang a, mahse, hmunpui lam aṭangin thupui hranpa siam lovin tualchhung kohhran kuta dah a ni.

Pentecost tih awmzia hi ‘Sawmngana’ tihna a ni a. Thuthlung Hlui-ah chuan Kalhlen Kut ṭiak ni aṭanga ni 50-naah an hmang ṭhin a. Thuthlung Thar hunah erawh chuan Isua Thawhleh tuk (Easter) aṭanga ni 50-naah hman thin a ni.

Leave a Reply

This site uses Akismet to reduce spam. Learn how your comment data is processed.